||সর্বশাস্ত্রার্থ অণু ভাষ্য ( আনন্দতীর্থ) ||
 
          সর্বশাস্ত্রার্থসংগ্রহঃ

Encoded and proofread by Shrisha Rao shrao at dvaita.org

          ||শ্রী গুরুভ্যো নমঃ হরিঃ ৐ ||
৐ বিষ্ণুরেব বিজিজ্ঞাস্যঃ সর্বকর্তাঽগমোদিতঃ |
সমন্বযাদীক্ষতেশ্চ পূর্ণানংদোঽংতরঃ খবত্ ||১. ১ ||
প্রণেতা জ্যোতিরিত্যাদৈঃ প্রসিদ্ধৈরন্যবস্তুষু |
উচ্যতে বিষ্ণুরেবৈকঃ সর্বৈঃ সর্ব গুণত্ত্বতঃ ||১. ২ ||
সর্বগোঽত্তা নিযংতা চ দৃশ্যত্ত্বাদুজ্ঝিতঃ সদা |
বিশ্বজীবাংতরত্ত্বাদৈর্লিঙ্গৈঃ সর্বৈর্যুতঃ স হি ||১. ৩ ||
সর্বাশ্রযঃ পূর্ণগুণঃ সোঽক্ষরঃ সন্ হৃদব্জগঃ |
সূর্যাদিভাসকঃ প্রাণপ্রেরকো দৈবতৈরপি ||১. ৪ ||
জ্ঞেযো ন বেদৈঃ শূদ্রাদৈঃ কন্দকোঽন্যশ্চ জীবতঃ |
পতিত্ত্বাদিগুণৈর্যুক্তঃ তদন্যত্র চ বাচকৈঃ ||১. ৫ ||
মুখ্যতঃ সর্বশব্দৈশ্চ বাচ্য একো জনার্দনঃ |
অব্যক্তঃ কর্মবাচ্যৈশ্চ বাচ্য একোঽমিতাত্মকঃ ||১. ৬ ||
অবান্তরং কারণং চ প্রকৃতিঃ শূন্যমেব চ |
ইত্যাদন্যত্র নিযতৈরপি মুখ্যতযোদিতঃ |
শব্দৈরতোঽনন্তগুণো যচ্ছব্দা যোগবৃত্তযঃ ||১. ৭ ||
          ||ইতি প্রথমোঽধ্যাযঃ ||
          ||অথ দ্বিতীযোঽধ্যাযঃ ||
৐ শ্রৌতস্মৃতিবিরুদ্ধত্ত্বাত্ স্মৃতযো ন গুণান্হরেঃ |
নিষেদ্ধুং শক্নুযুর্বেদানিত্যত্বান্মানমুত্তমম্ ||২. ১ ||
অসজ্জীবপ্রধানাদিশব্দাব্রহ্মৈব নাপরম্ |
বদন্তি কারণত্বেন ক্বাপি পূর্ণগুণো হরিঃ ||২. ২ ||
স্বাতন্ত্র্যাত্সর্বকর্তৃত্ত্বান্নাযুক্তং তদ্ভবেচ্ছ্রুতিঃ |
ভ্রান্তিমূলতযা সর্ব সমযানামযুক্তিতঃ ||২. ৩ ||
ন তদ্বিরোধাদ্বচনং বৈদিকং শঙ্ক্যতাং ব্রজেত্ |
আকাশাদিসমস্তং চ তজ্জং তেনৈব লীযতে ||২. ৪ ||
সোঽনুত্পত্তিলযঃ কর্তা জীবঃ তদ্বশগঃ সদা |
তদাভাসো হরিঃ সর্ব রূপেষ্বপি সমঃ সদা ||২. ৫ ||
মুখ্যপ্রাণশ্চেন্দ্রিযাণি দেহশ্চৈব তদুদ্ভবাঃ |
মুখ্যপ্রাণবশে সর্বং স বিষ্ণোর্বশগঃ সদা ||২. ৬ ||
সর্ব দোশোজ্ঝিতঃ তস্মাদ্ ভগবান্ পুরুষোত্তমঃ |
উক্তা গুণাশ্চাবিরুদ্ধাস্তস্য বেদেষু সর্বথা ||২. ৭ ||
          ||ইতি দ্বিতীযোঽধ্যাযঃ ||
          ||অথ তৃতীযোঽধ্যাযঃ ||
৐ শুভেন কর্মণা স্বর্গং নিরযং চ বিকর্মণা |
মিথ্যাজ্ঞানেন চ তমো জ্ঞানেনৈব পরং পদম্ ||৩. ১ ||
যাতি তস্মাদ্বিরক্তঃ সন্ জ্ঞানমেব সমাশ্রযেত্ |
সর্বাবস্থাপ্রেরকশ্চ সর্বরূপেষ্বভেদবান্ ||৩. ২ ||
সর্বদেশেষু কালেষু স একঃ পরমেশ্বরঃ |
তদ্ভক্তিস্তারতম্যেন তারতম্যং বিমুক্তিগম্ ||৩. ৩ ||
সচ্চিদানন্দ আত্মেতি মানুষৈস্তু সুরেশ্বরৈঃ |
যথা ক্রমং বহুগুণৈর্ব্রহ্মণত্ত্বখিলৈর্গুণৈঃ ||৩. ৪ ||
উপাস্যঃ সর্বদেবৈশ্চ সর্বৈরপি যথা বলম্ |
জ্ঞেযো বিষ্ণুর্বিশেষস্তু জ্ঞানে স্যাদুত্তরোত্তরং ||৩. ৫ ||
সর্বেঽপি পুরুষার্থাস্যুঃ জ্ঞানাদেব ন সংশযঃ |
ন লিপ্যতে জ্ঞানাবংশ্চ সর্বদোষৈরপি ক্বচিত্ ||৩. ৬ ||
গুণদোষৈঃ সুখস্যাপি বৃদ্ধি হ্রাসৌ বিমুক্তিগৌ |
নৄণাং সুরাণাং মুক্তৌ তু সুখং ক্লৃপ্তং যথাক্রমম্ ||৩. ৭ ||
          ||ইতি তৃতীযোঽধ্যাযঃ ||
          ||অথ চতুর্থোঽধ্যাযঃ ||
৐ বিষ্ণুর্ব্রহ্ম তথাঽদিত্যত্যেবং নিত্যমুপাসনম্ |
কার্যমাপদ্যপি ব্রহ্ম তেন যাত্যপরোক্ষতাম্ ||৪. ১ ||
প্রারব্ধকর্মণোঽন্যস্য জ্ঞানাদেব পরিক্ষযঃ |
অনিষ্টস্যোঽভযস্যাপি সর্বস্যান্যস্য ভোগতঃ ||৪. ২ ||
উত্তরেষোত্তরেষ্বেবং যাবদ্বাযুং বিমুক্তিগাঃ |
প্রবিশ্য ভুঞ্জতে ভোগাংস্তদন্তর্বহিরেব বা ||৪. ৩ ||
বাযুর্বিষ্ণুং প্রবিশ্যৈব ভোগশ্চৈবোত্তরোত্তরম্ |
উত্ক্রম্য মানুষা মুক্তিং যান্তি দেহক্ষযাত্সুরাঃ ||৪. ৪ ||
অর্চিরাদি পঠা বাযুং প্রাপ্য তেন জনার্দনম্ |
যান্ত্যুত্তমা নরোচ্চাদ্যা ব্রহ্মলোকাত্সহাঽমুনা ||৪. ৫ ||
যথাসঙ্কল্পভোগাশ্চ চিদানন্দ শরীরিণঃ |
জগত্সৃষ্ট্যাদিবিশযং মহাসামর্থ্য মপ্যৃতে ||৪. ৬ ||
যথেষ্টশক্তিমংতশ্চ বিনা স্বাভাবিকোত্তমান্ |
অনন্যবশগাশ্চৈব বৃদ্ধিহ্রাস বিবর্জিতাঃ |
দুঃখাদিরহিতং নিত্যং মোদংতেঽবিরতং সুখম্ ||৪. ৭ ||
পূর্ণপ্রজ্ঞেন মুনিনা সর্বশাস্ত্রার্থসংগ্রহঃ |
কৃতোঽযং প্রীযতাং তেন পরমাত্মা রমাপতিঃ ||৪. ৮ ||
নমো নমোঽশেষদোষদূর পূর্ণগুণাত্মনে |
বিরিঞ্চিশর্বপূর্বেড্য বংদ্যায শ্রীবরায তে ||৪. ৯ ||
          ||ইতি চতুর্থোঽধ্যাযঃ ||
          ইতি শ্রীমদানংদতীর্থভগবত্পাদাচার্যবিরচিতং
          ব্রহ্মসূত্রাণুভাষ্যং সম্পূর্ণম্
          ||ভারতীরমণমুখ্যপ্রাণংতর্গত শ্রীকৃষ্ণার্পণমস্তু ||

%@@1
% File name             : aNu_bhAshhya.itx
%--------------------------------------------
% Text title            : sarvashAstrArtha aNu bhAShya (AnandatIrtha)
% Author                :
% Language              : Sanskrit
% Subject               : philosophy/hinduism/religion
% Description/comments  : ????Source
% Transliterated by     : Shrisha Rao shrao at dvaita.org
% Proofread by          : Shrisha Rao shrao at dvaita.org
% Latest update         : November 1, 2010
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are
% needed for devanaagarii output and formatting.
%--------------------------------------------------------

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Some help is available at Notes on Viewing and Creating Devanagari Documents with Unicode Support. Some of the Unicode fonts for Devanagari are linked at http://devanaagarii.net and for Sanskrit Transliteration/Diacritics are available at IndUni Fonts.

Questions, comments? Write to sanskrit@cheerful.com .