.. অভিলাষাষ্টকং ..
    
          অভিলাষাষ্টকম্


          abhilaashhaashhTakam.h

 Send corrections to Narayanaswami at  swami@math.mun.ca 


       .. অথ অভিলাষাষ্টকম্ ..

কদা পক্ষীন্দ্রাংসোপরি গতমজং কঞ্চনযনম্
রমাসংশ্লিষ্টাংগং গগনরুচমাপীতবসনম্ .
গদাশংখাম্ভোজারিবরমালোক্য সুচিরং
গমিষ্যত্যেতন্মে ননু সফলতাং নেত্রযুগলম্ .. ১..

কদা ক্ষীরাব্ধ্যন্তঃ  সুরতরুবনান্তর্মণিমযে
সমাসীনং পীঠে জলধিতনযালিংগিততনুম্ .
স্তুতং দেবৈর্নিত্যং মুনিবরকদংবৈরভিনুতম্
স্তবৈঃ সন্তোষ্যামি শ্রুতিবচনগর্ভৈঃ সুরগুরুম্ .. ২..

কদা মামাভীতং ভযজলধিতস্তাপসতনুং
গতা রাগং গংগাতটগিরিগুহাবাসসহনম্ .
লপন্তং হে বিষ্ণো সুরবর রমেশেতি সততং
সমভ্যেত্যোদারং কমলনযনো বক্ষ্যতি বচঃ .. ৩..

কদা মে হৃদ্পদ্মে ভ্রমর ইব পদ্মে প্রতিবসন্
সদা ধ্যানাভ্যাসাদনিশমুপহূতো বিভুরসৌ .
স্ফুরজ্জ্যোতীরূপো রবিরিব রসাসেব্যচরণো
হরিষ্যত্যজ্ঞানাজ্জনিততিমিরং তূর্ণমখিলম্ .. ৪..

কদা মে ভোগাশা নিবিডভবপাশাদুপরতং
তপঃশুদ্ধং বুদ্ধং গুরুবচনতোদৈরচপলম্ .
মনো মৌনং কৃত্বা হরিচরণযোশ্চারু সুচিরং
স্থিতিং স্থাণুপ্রাযাং ভবভযহরাং যাস্যতি পরাম্ .. ৫..

কদা মে সংরুদ্ধাখিলকরণজালস্য পরিতো
জিতাশেষপ্রাণানিলপরিকরস্য প্রজপতঃ .
সদোংকারং চিত্তং হরিপদসরোজে ধৃতবতঃ
সমেষ্যত্যুল্লাসং মুহুরখিলরোমাবলিরিযম্ .. ৬..

কদা প্রারব্ধান্তে পরিশিথিলতাং গচ্ছতি শনৈঃ
শরীরে চাক্ষৌঘেঽপ্যুপরতবতি প্রাণপবনে .
বদত্যূর্ধ্বং শশ্বন্মম বদনকংজে মুহুরহো
করিষ্যত্যাবাসং হরিরিতি পদং পাবনতমম্ .. ৭..

কদা হিত্বা জীর্ণাং ত্বচমিব ভুজংগস্তনুমিমাং
চতুর্বাহুশ্চক্রাম্বুজদরকরঃ পীতবসনঃ .
ঘনশ্যামো দূতৈর্গগনগতিনীতো নতিপরৈ-
র্গমিষ্যামীশস্যাংতিকমখিলদুঃখাংতকমিতি .. ৮..

.. ইতি শ্রীমত্পরমহংসস্বামিব্রহ্মানন্দবিরচিতং
    অভিলাষাষ্টকং সংপূর্ণম্ ..

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com