.. অদ্বযতারক ..

                         অদ্বযতারকোপনিষত্

                                .. শ্রীঃ ..
                   উপনিষদ্ব্রহ্মযোগিবিরচিতং বিবরণম্
               শ্রীমদপ্পযশিবাচার্যবিরচিতভাষ্যোপেতা

Invocation

          ৐ পূর্ণমদঃ পূর্ণমিদং পূর্ণাত্ পূর্ণমুদচ্যতে .
            পূর্ণস্য পূর্ণমাদায পূর্ণমেবাবশিষ্যতে ..
                      ৐ শান্তিঃ শান্তিঃ শান্তিঃ .

Text

                    ব্যাখ্যেযো বিষযঃ তদধিকারী চ

Ed . II .  taarakayogaadhikaaraH .

অথাতোঽদ্বযতারকোপনিষদং ব্যাখ্যাস্যামঃ .
যতযে জিতেন্দ্রিযায শমাদিষড্গুণপূর্ণায .. ১..

Commentary I.

শ্রীমদ্বিশ্বাধিষ্ঠানপরমহংসসদ্গুরুরামচন্দ্রায নমঃ

দ্বৈতাসম্ভববিজ্ঞানসংসিদ্ধাদ্বযতারকং .
তারকব্রহ্মেতি গিতং বন্দে শ্রীরামবৈভবং ..

ইহ খলু শুক্লযজুর্বেদপ্রবিভক্তেযং অদ্বযতারকোপনিষত্
রাজযোগসর্বস্বং প্রকটযন্তী ব্রহ্মাত্রপর্যবসন্না দৃশ্যতে .
অস্যাঃ স্বল্পগ্রন্থতো বিবরণমারভ্যতে . অত্র
যথোক্তাধিকার্যুদ্দেশেন
শ্রুতযঃ তারকযোগমুপদিশন্তীত্যাহ --অথেতি .. অথ
কর্মোপাসনাকাণ্ডদ্বযনিরূপণানন্তরং যতঃ তেন
পুরুষার্থাসিদ্ধিঃ
অতঃ তদর্থং যত্র স্বাতিরেকেণ দ্বযং ন বিদ্যতে তত্ অদ্বযং
ব্রহ্ম
তন্মাত্রবোধিনী বিদ্যা তারকোপনিষত্ তাং শ্রুতযো বযং
ব্যাখ্যাস্যামঃ .
কস্মা অধিকারিণ ইত্যত আহ --যতয ইতি .
স্বাশ্রমানুষ্ঠনপূর্বকং
দেশিকংউখতো বেদন্তশ্রবণং ততো যুক্তিভিঃ
শ্রুত্যবিরুদ্ধাভিঃ
মননং চ কৃত্বা নিদিধ্যসানায যতত ইতি যতিঃ .
অজিতেন্দ্রিযস্য
যতিত্বং কুত ইত্যত আহ --জিতেন্দ্রিযাযেতি . জিতেন্দ্রিযস্য
যতিত্বোপপত্তেঃ .
অরিষড্বর্গাক্রান্তস্য জিতেন্দ্রিযতা কুত ইত্যত আহ --
শমাদিষড্গুণপূর্ণাযেতি . শমাদিষড্গুণসম্পত্তেঃ
অরিষড্বর্গোপরতিপূর্বকত্বাত্ . এবং সাধনবতে শ্রুতযঃ
তারকযোগমুপদিশন্তীত্যর্থঃ .. ১..

Text

                             যোগোপায তত্ফলম্

Ed . II .  yogaanushhThaanaM tatphalaM cha .

চিত্স্বরূপোঽহমিতি সদা ভবযন্ সম্যঙ্নিমীলিতাক্ষঃ
কিঞ্চিদুন্মীলিতাক্ষো বাঽন্তর্দৃষ্ট্যা ভ্রূদহরাদুপরি
সচ্চিদানন্দতেজঃকূটরূপং পরং ব্রহ্মাবলোকযন্ তদ্রূপো
ভবতি .. ২..

Commentary I.

এবং নিদিধ্যসানোপাযতত্ফলমাহ --চিদিতি .. যোগী স্বান্তঃ
চিদ্রূপোঽস্মীতি ভবযনর্ধোন্মীলিতলোচনঃ ভ্রূমধ্যাদৌ
সচ্চিদানন্দমাত্রং ব্রহ্মাহমস্মীত্যালোকযন্তদ্রূপস্তারকরূপো
ভবতি .. ২..

Text

                           অদ্বযতারকপদার্থৌ

গর্ভজন্মজরামরণভযাত্সংতারযতি তস্মাত্তারকমিতি .
জীবেশ্বরৌ মাযিকাবিতি বিজ্ঞায সর্ববিশেষং নেতি নেতীতি
বিহায
যদবশিষ্যতে ততদ্বযং ব্রহ্ম .. ৩..

Commentary I.

কিং তারকমিত্যতাহ --গর্ভেতি .. জ্যোতির্লিঙ্গং ভ্রুবোর্মধ্যে
নিত্যং ধ্যাযেত্সদা যতিঃ . ইতি শ্রুতিসিদ্ধজ্যোতির্লিঙ্গস্য
প্রত্যগ্রূপত্বেন
স্বাজ্ঞবিকল্পিতগর্ভাসাদিসংসারতারকত্বাত্তারকং
প্রত্যগাত্মেত্যর্থঃ . জীবেশভেদে সতি
প্রত্যগভিন্নব্রহ্মভাবঃ কুত
ইত্যাশঙ্ক্য তযোর্ভেদস্য মাযিকত্বেন মিথ্যাত্বাত্ততো যচ্ছিষ্যতে
তদেব
ব্রহ্মেত্যাহ --জীবেতি .. ৩..

Text

                       লক্ষ্যত্রযানুসন্ধানবিধিঃ

Ed . II .  tadadhigamopaayaH

তত্সিদ্ধ্যৈ লক্ষ্যত্রযানুসংধানং কর্তব্যং .. ৪..

Commentary I.

তদধিগমোপাযঃ কথমিত্যত আহ তত্সিদ্ধ্যা ইতি .. ৪..

Commentary II.

পরিচ্ছিন্নজ্যোতীরূপলক্ষ্যানুসন্ধানস্যাপি
চিত্তশুদ্ধিফলকত্বম্

মূর্তামূর্তাত্মকং যত্র তারকদ্বযমুচ্যতে .
জ্যোতির্দর্শনমার্গোক্তিং ব্যখ্যাস্যেঽদ্বযতারকং ..

ননু --জীবেশ্বরৌ মাযিকাবিতি বিজ্ঞায সর্ববিশেষং নেতি
নেতীতি
বিহায যদবশিষ্যতে ততদ্বযং ব্রহ্ম ইতি যদুক্তং তদ্ যুক্তমেব .
অপি তু --তত্সিদ্ধ্যৈ লক্ষ্যত্রযানুসংধানং কর্তব্যং
ইত্যেতদযুক্তং .
কুতঃ লক্ষ্যত্রযস্য চ দেহান্তর্গতত্বেন
পরিচ্ছিন্নজ্যোতিঃস্বরূপতযা
স্বযমপরিচ্ছিন্নত্বাভাবাত্ . অদ্বযব্রহ্ম হি অপরিচ্ছিন্নং
মহাকাশবত্
প্রসিদ্ধং . তত্সিদ্ধ্যৈ পরিচ্ছিন্নলক্ষ্যত্রযানুসন্ধানং কথং
সাধনং স্যাত্ . অপরিচ্ছিন্নব্রহ্মসিদ্ধ্যৈ হি
অপরিচ্ছিন্নব্রহ্মধ্যানং
কর্তব্যং . অতঃ ইহ বিরুদ্ধমুক্তিমিতি চেত্ --সত্যমেবৈতত্ .
তথাপি
উক্তলক্ষ্যত্রযানুসন্ধানদ্বারা সংশুদ্ধচিত্ত্স্যৈব
বাক্যার্থশ্রবণমননসংস্কৃতান্তঃকরণবশীকরণপূর্বকাপ্
অরিচ্ছিন্ন-
ব্রহ্মাত্মৈক্যানুসন্ধানকরণসামর্থ্যসংভবাত্ .
অন্যথা দেহমধ্যগতজ্যোতির্দর্শনহীনত্য
বাক্যাদিশ্রবণাদিপ্রবৃত্ত্যসংভবাচ্চ পরিচ্ছিন্নানুসন্ধানং
যুক্তিমিত্যনুসন্ধানং .. ১-৪..

Text

                            অন্তর্লক্ষ্যলক্ষণম্

দেহমধ্যে ব্রহ্মনাডী সুষুম্না সূর্যরূপিণী পূর্ণচন্দ্রাভা
বর্ততে . সা তু মূলাধারাদারভ্য ব্রহ্মরন্ধ্রগামিনী ভবতি .
তন্মধ্যে তটিত্কোটিসমানকান্ত্যা মৃণালসূত্রবত্ সুক্ষ্মাঙ্গী
কুণ্ণ্দলিনীতি প্রসিদ্ধাঽস্তি . তাং দৃষ্ট্বা মনসৈব নরঃ
সর্বপাপবিনাশদ্বারা মুক্তো ভবতি .
ফালোর্ধ্বগললাটবিশেষমণ্ডলে নিরন্তরং
তেজস্তারকযোগবিস্ফুরণেন পশ্যতি চেত্ সিদ্ধো ভবতি .
তর্জন্যগ্রোন্মীলিতকর্ণরন্ধ্রদ্বযে তত্র ফূত্কারশব্দো জাযতে .
তত্র
স্থিতে মনসি চক্ষুর্মধ্যগতনীলজ্যোতিস্স্থলং বিলোক্য
অন্তর্দৃষ্ট্যা
নিরতিশযসুখং প্রাপ্নোতি . এবং হৃদযে পশ্যতি .
এবমন্তর্লক্ষ্যলক্ষণং মুমুক্ষুভিরুপাস্যং .. ৫..

Commentary I.

অন্তর্বাহ্যমধ্যভেদেন লক্ষ্যং ত্রিবিধং . তত্র
অন্তর্লক্ষ্যলক্ষণং
তদভ্যাসফলং চাহ --দেহেতি .. যদা কুণ্ডলিনী
প্রাণদৃষ্টিমনোগ্নিভিঃ
মূলাধারত্রিকোণাগ্রালঙ্কারসুষুম্নাঽধোবক্ত্রং বিভিদ্য
তন্মধ্যে
প্রবিশতি তদা বাহ্যান্তঃপ্রপঞ্চবিস্মরণপূর্বকং
মুন্যন্তঃকরণং
নির্বিকল্পব্রহ্মপদং ভজতি . মুনিঃ নির্বিকল্পজ্ঞানাত্ বিকল্পাত্
মুক্তো
ভবতীত্যর্থঃ . তত্সিদ্ধ্যুপাযঃ কঃ ইত্যত আহ --ফালেতি .
তদ্গতসুখানুভবোপাযং বদন্ অন্তর্লক্ষ্যং উপসংহরতি --
তর্জনীতি .
সুখং প্রাপ্নোতি ন কেবলং কর্ণরন্ধ্রদ্বযে এবং হৃদযে .. ৫..

Text

                            বহির্লক্ষ্যলক্ষণম্

অথ বহির্লক্ষ্যলক্ষণং . নাসিকাগ্রে চতুর্ভিঃ
ষড্ভিরষ্টভিঃ
দশভিঃ দ্বাদশভিঃ ক্রমাত্ অঙ্গুলালন্তে
নীলদ্যুতিশ্যামত্বসদৃগ্রক্তভঙ্গীস্ফুরত্পীতবর্ণদ্বযোপেতং
ব্যোম
যদি পশ্যতি স তু যোগী ভবতি . চলদৃষ্ট্যা
ব্যোমভাগবীক্ষিতুঃ
পুরুষস্য দৃষ্ট্যগ্রে জ্যোতির্মযূখা বর্ততে . তদ্দর্শনেন যোগী
ভবতি .
তপ্তকাঞ্চনসঙ্কাশজ্যোতির্মযূখা অপাঙ্গান্তে ভূমৌ বা
পশ্যতি
তদ্দৃষ্টিঃ স্থিরা ভবতি . শির্ষোপরি
দ্বাদশাঙ্গুলসমীক্ষিতুঃ
অমৃতত্বং ভবতি . যত্র কুত্র স্থিতস্য শিরসি
ব্যোমজ্যোতির্দৃষ্টং
চেত্ স তু যোগী ভবতি .. ৬..

Commentary I.

বহির্লক্ষ্যলক্ষণমাহ --অথেতি . যোগী ভবতি
ইত্যাদিকৃত্স্নোপনিষত্
প্রাযশো মণ্ডলব্রাহ্মণোপনিষদ্ব্যাখ্যানেন ব্যাখ্যাতং
স্যাদিতি
মন্তব্যং .. ৬..

Text

                           মধ্যলক্ষ্যলক্ষণম্

অথ মধ্যলক্ষ্যলক্ষণং
প্রাতশ্চিত্রাদিবর্ণাখণ্ডসূর্যচক্রবত্ বহ্নিজ্বালাবলীবত্
তদ্বিহীনান্তরিক্ষবত্ পশ্যতি . তদাকারাকারিতযা অবতিষ্ঠতি .
তদ্ভূযোদর্শনেন গুণরহিতাকাশং ভবতি .
বিস্ফুরত্তারকাকারদীপ্যমানগাঢতমোপমং  পরমাকাশং
ভবতি .
কালানলসমদ্যোতমানং মহাকাশং ভবতি .
সর্বোত্কৃষ্টপরমদ্যুতিপ্রদ্যোতমানং তত্ত্বাকাশং ভবতি .
কোটিসূর্যপ্রকাশবৈভবসঙ্কাশং সূর্যাকশং ভবতি .
এবং বাহ্যাভ্যন্তরস্থব্যোমপঞ্চকং তারকলক্ষ্যং . তদ্দর্শী
বিমুক্তফলস্তাদৃগ্ব্যোমসমানো ভবতি . তস্মাত্তারক এব
লক্ষ্যমমনস্কফলপ্রদং ভবতি .. ৭..

Commentary I.

অন্তর্বাহ্যলক্ষ্যস্বরূপমুক্ত্বা মধ্যলক্ষ্যস্বরূপমাহ --অথেতি .
তদ্দর্শী বিমুক্তস্বাজ্ঞানতত্কার্যফলঃ . যস্মাদেবং তস্মাত্ .. ৭..

Commentary II.

             উক্তানাং লক্ষ্যত্রযব্যোম্নাং ভৌতিকত্বশঙ্কা

নন্বিহ অন্তর্লক্ষ্যবাহ্যলক্ষ্যমধ্যলক্ষ্যলক্ষণেষু
উচ্যমানেষু
নীলরক্তপীত্রচিত্রাদিবর্ণযুক্তব্যোমদর্শনানি অবগম্যন্তে .
নৈতৈঃ
দর্শনৈঃ কিঞ্চিদপি মুমুক্ষোঃ প্রযোজনং ভবিতুমর্হতি . কুতঃ
নানাবিধজ্যোতির্বিষযকত্বেন ভৌতিকত্বাত্ . যদি
ব্রহ্মজ্যোতির্দর্শনং
স্যাত্তদা ক্রমমুক্ত্যৈ বা তত্ উপযুক্তং স্যাত্ . ন তু তদেতত্ .
ব্রহ্মণঃ
এবং নানাবিধত্বাভাবাত্ . ভৌতিকানি তু জ্যোতীংষি
উপাধিভেদাত্
বহুবিধানি ভবিতুমর্হন্তি . তস্মাত্
প্রপঞ্চিতলক্ষণবহুবিধজ্যোতির্দর্শনানি সিদ্ধ্যর্থকানি স্যুঃ .
উপনিষদাং বৈযর্থ্যকল্পনানর্হত্বাত্ . ইতি চেত্ --

              তন্নিরসনেন এষাং মুমুক্ষূপযোগিত্বনির্ণযঃ

অত্রোচ্যতে . নির্বিশেষস্য পরস্য ব্রহ্মণ এব এতানি জ্যোতীংষি
ইতি .
কুতঃ ভৌতিকজ্যোতিষং দেহাদ্বহিঃ দর্শনীযত্বেন
দেহান্তদর্শনাযোগ্যত্বাত্ . প্রত্যগাত্মজ্যোতিষঃ একরূপত্বেঽপি
বিবিধনাডীবন্নাডীসম্বন্ধবশাত্ নানাবর্ণোপপত্তেঃ .
যথা
একবৃত্তিমানপ্যাত্মা নানানাডীসম্বন্ধবশাত্
জাগ্রত্স্বপ্নসুষুপ্ত্যবস্থাবিশেষৈঃ নানাবিধঃ অনুভূযতে
তদ্বত্ .
যদ্যপি এতেষাং জ্যোতিষাম্খণ্ডত্বেন দর্শনবিষযত্বাভাত্
ক্রমমুক্ত্যৈ
পরম্পরযা সদ্যোমুক্ত্যৈ বা সাধনত্বণ্ স্যাত্ . ন তু সাক্ষাত্
সদ্যোমুক্ত্যৈ . ন তু তাবতা সিদ্ধ্যার্থকানি মুমুক্ষোঃ
অনুপযুক্তানীতি
বক্তুং যুক্তং .. ৫-৭..

Text

                             দ্বিবিধং তারকম্

তত্তারকং দ্বিবিধং পূর্বার্ধং তারকমুত্তরার্ধমমনস্কং
চেতি . তদেষ শ্লোকো ভবেতি --

তদ্যোগং চ দ্বিধা বিদ্ধি পূর্বোত্তরবিধানতঃ .
পূর্বং তু তারকং বিদ্যাত্ অমনস্কং তদুত্তরমিতি .. ৮..

Text

                             তারকযোগসিদ্ধিঃ

Ed . II.তারকযোগস্য সোমসৃর্যৈক্যদর্শনৈকফলকত্বং .

অক্ষ্যন্তস্তারযোঃ চন্দ্রসূর্যপ্রতিফলনং ভবতি .
তারকাভ্যাং
সূর্যচন্দ্রমণ্ডলদর্শনং ব্রহ্মাণ্ডমিব
পিণ্ডাণ্ডশিরোমধ্যস্থাকাশে রবীন্দুমণ্ডলদ্বিতযমস্তীতি
নিশ্চিত্য
তারকাভ্যাং তদ্দর্শনং . অত্রাপ্যুভযৈক্যদৃষ্ট্যা মনোযুক্তং
ধ্যাযেত্ তদ্যোগাভাবে ইন্দ্রযপ্রবৃত্তেরনবকাশাত্ .
তস্মাতন্তর্দৃষ্ট্যা তারক এবানুসংধেযঃ .. ৯..

Commentary I.

ব্রহ্মাণ্ডবত্ পিণ্ডাণ্ডেঽপি রবীন্দূ বিদ্যেতে ইতি নিশ্চিত্য
তারকাভ্যাং
তদৈক্যদর্শনতঃ তারকযোগসিদ্ধিঃ ভবেদিত্যাহ --অক্ষীতি ..
অযোগী
যথা ব্রহ্মাণ্ডস্থচন্দ্রসূর্যৌ মনস্সহকৃততারকাভ্যাং
পশ্যতি
তথা যোগী স্বমস্তকাকাশবিভাতরবীন্দুদ্বযং
মনস্সহকৃততারাভ্যাং
অবলোকযেদিত্যর্থঃ . রূপদর্শনস্য চক্ষুরধীনত্বাত্ কিং
মনসেত্যত
আহ --তদিতি . মনসি অন্যত্র ব্যাপৃতে রূপাদিগ্রহণশক্তিঃ
চক্ষুরাদেঃ
নাস্তীত্যত্র অন্যত্রমনা অভূবং নাদর্শমন্যত্রমনা অভূবং
নাশ্রৌষমিত্যাদিশ্রুতেঃ . যস্মাদেবং তস্মাত্ .. ৯..

Commentary II.

ননু নির্গুণাকাশং পরমাকাশং মহাকাশং তত্ত্বাকাশং
সূর্যাকাশং চেতি তারকলক্ষ্যং আকাশপঞ্চকমভিধীযতে .
অত্র
কথং পূর্বোত্তরার্ধবিভাগঃ ইতি . অত্রোচ্যতে .
উভযৈক্যদৃষ্ট্যা
মনোযুক্তং ধ্যাযেতিতি তার এবানুসন্ধ্যেযঃ . ইতি চ
ধ্যানযোগাভ্যাসস্য
বিহিতত্বাত্ . তদভ্যাসকালঃ পূর্বার্ধঃ তারকযোগসংজ্ঞকঃ
তত্ফলীভূতজ্যোতির্দৃশনকালঃ উত্তরার্ধঃ
অমনস্কযোগসংজ্ঞকঃ .
এবমেব চ আকাশপঞ্চকদর্শনে পূর্বোত্তরবিভাগো মন্তব্যঃ .. ৯..

Text

                  মূর্তামূর্তভেদেন দ্বিবিধমনুসন্ধেযম্

তারকং দ্বিবিধং মূর্তিতারকং অমূর্তিতারকং চেতি .
যতিন্দ্রিযান্তং তত্ মূর্তিমত্ . যত্ ভ্রূযুগাতীতং তত্ অমূর্তিমত্ .
সর্বত্র অন্তঃপদার্থবিবেচনে মনোযুক্তাভ্যাস ইষ্যতে .
তারকাভ্যং
তদূর্ধ্বস্থসত্ত্বদর্শনাত্ মনোযুক্তেন অন্তরীক্ষণেন
সচ্চিদানন্দস্বরূপং ব্রহ্মৈব . তস্মাত্ শুক্লতেজোমযং ব্রহ্মেতি
সিদ্ধং .
তদ্ব্রহ্ম মনঃসহকারিচক্ষুষা অন্তর্দৃষ্ট্যা বেদ্যং ভবতি .
এবমমূর্তিতারকমপি . মনোযুক্তেন চক্ষুষৈব দহরাদিকং
বেদ্যং
ভবতি রূপগ্রহণপ্রযোচনস্য মনশ্চক্ষুরধীনত্বাত্
বাহ্যবদান্তরেঽপি আত্মমনশ্চক্ষুঃসংযোগেনৈব
রূপগ্রহণকার্যোদযাত্ .
তস্মান্মনোযুক্তা অন্তর্দৃষ্টিঃ তারকপ্রকাশায ভবতি .. ১০..

Commentary I.

যদনুসন্ধেযং তত্ কতিবিধমিত্যত্র তত্তারকং ..
বাহ্যপদার্থবিবেচনবত্ অন্তঃপদার্থবিবেচনমপি
মনশ্চক্ষুরধীনমিত্যাহ --সর্বত্রেতি .
তদূর্ধ্বস্থসত্ত্বদর্শনাত্
ভ্রূমধ্যোর্ধ্ববিলসিতোত্তরতারকলক্ষ্যদর্শনাত্ .
কেনৈতদ্দর্শনীযমিত্যত্র মনোযুক্তেনেতি . ব্রহ্মৈব
উত্তরতারকলক্ষ্যমিত্যনুসংধেযং . যস্মাদেবং তস্মাত্ .
ভ্রূমধ্যাদিস্থলবিলসিত্শুক্লতেজসো মনঃকল্পিতত্বেঽপি
ব্রহ্মণঃ
সর্বব্যাপকত্বেন তত্রাপি বিদ্যমানত্বাত্ তদেব ব্রহ্মেতি
অভিমতিদ্রঢিম্না
লীনে তত্র মনসি কল্পকসাপেক্ষকল্পনাবৈরলযে নির্বিকল্পকং
ব্রহ্মৈব
অবশিষ্যতে ইত্যর্থঃ . যত্তেজো মনঃকল্পিতং তদ্ব্রহ্ম .
যস্মাদেবং তস্মাত্ .. ১০..

Commentary II.

মূর্তিতারকামূর্তিতারকযোশ্চ
ইন্দ্র্যান্তভ্রূযুগাতীতত্বকথনেন
সগুণমূর্তিধ্যানপরত্বং চাবগন্তব্যং . সগুণমূর্তিধ্যানস্য
চ
নিষ্কামকৃতস্য চ ক্রমমুক্তিচিত্তশুদ্ধিপ্রযোজনতযা
সুপ্রসিদ্ধত্বাত্ .. ১০..

Text

                            তারকযোগস্বরূপং

ভ্রূযুগমধ্যবিলে দৃষ্টিং তদ্দ্বারা ঊর্ধ্বস্থিততেজ
আবির্ভূতং
তারকযোগো ভবতি . তেন সহ মনোযুক্তং তারকং সুসংযোজ্য
প্রযত্নেন
ভ্রূযুগ্মং সাবধানতযা কিঞ্চিদূর্ধ্বম্ত্ক্ষেপযেত্ . ইতি
পূর্বতারকযোগঃ . উত্তরং তু অমূর্তিমতমনস্কমিত্যুচ্যতে .
তালুমূলোর্ধ্বভাগে মহান্ জ্যোতির্মযূখো বর্ততে . তত্
যোগিভির্ধ্যেযং .
তস্মাতণিমাদিসিদ্ধির্ভবতি .. ১১..

Commentary I.

কোঽযং তারকযোগ ইত্যত্র ভ্রূযুগমধ্যবিলে তত্রত্যাজ্ঞাচক্রে
দৃষ্টিযুগ্মং সংনিবেশ্য . সাবধানতযা বিলোকযন্ . ধ্যেযং
তজ্জ্যোতিঃ ব্রহ্মেতি যোগিভিশ্চিন্ত্যমিত্যর্থঃ . ততঃ কিং
ভবতীত্যত্র
তস্মাদিতি .. ১১..

Commentary II.

প্রকৃতযোগে পূর্ণমনোবিলযাভাবেন দৃশ্যমানজ্যোতিষঃ
প্রত্যগাত্মস্বরূপত্বনির্ণযঃ

ইদং জ্যোতিঃ ত্বংপদার্থঃ আহোস্বিত্ তত্পদার্থঃ ইতি
সংশীযতে .
কুতঃ সংশযঃ ত্বংপদার্থবিবেচন ইতি সচ্চিদানন্দস্বরূপং
ব্রহ্মৈবেতি চ উক্তত্বাত্ . অত্রোচ্যতে . ত্বংপদার্থঃ
প্রত্যগাত্মৈব .
ব্রহ্মাংশত্বাত্তু ব্রহ্মত্বমুপচর্যতে সাক্ষাদ্ব্রহ্মযোগো হি
মনোবিযুক্তাভ্যাসরূপঃ . তত্রৈব মনোনাশসম্ভবাত্ .
মনোযুক্তাভ্যাসস্তু প্রকৃতঃ কণ্ঠরবোক্তঃ .
মনস্সহকারিচক্ষুষা
বেদ্যং ভবতীতি চ . যদি মনসৈব বেদ্যমিত্যুক্তং তদা
অন্তর্দৃষ্টেঃ
মনোঽনন্যত্বাত্ মনসঃ ব্রহ্মণি বিলযসম্ভবাচ্চ
অখণ্ডব্রহ্মযোগ
এব বিবক্ষিতঃ ইতি বক্তুং শক্যং . ন তু তদস্তি .
প্রত্যগাত্মযোগে চ
আন্তরে বাহ্যবত্ আত্মমনশ্চক্ষুস্সংযোগেনৈব
রূপগ্রহণকার্যোদযঃ
স্যাত্ . ন তু ব্রহ্মযোগে তদীযাখণ্ডসম্যগ্দর্শনং
চক্ষুরধীনং
মনোঽদীনং বা ভবতি . চক্ষুর্মনসী পৃষ্ঠতঃ কৃত্বা
স্বযংপ্রকশমানত্বাত্ . ননু মনোযুক্তান্তর্দৃষ্টিরিত্যুক্তত্বাত্
মনসঃ
অন্তর্দৃষ্টিদ্বারা ব্রহ্মণি বিলয এব অর্থাদবগম্যতে ইতি চেত্র .
বহ্যবদিত্যুক্তত্বেন প্রকৃতযোগে মনোবিলযাসম্ভবাত্ .
তাত্কালিকস্তু
মনোলযঃ সুষুপ্তস্যেব নাত্যন্ত শ্লাধ্যতমো ভবিতুমর্হতি .
যদ্বা
ক্রমমুক্তিসাধনীভূতোঽপি স মনোলযঃ
পুনর্জন্মবীজভর্জনাভাবাত্
ন নাশাপরপর্যাযঃ ইত্যবগন্তব্যং .. ১১..

Text

                              শাম্ভবীমুদ্রা

অন্তর্বাহ্যলক্ষ্যে দৃষ্টৌ নিমেষোন্মেষবর্জিতাযাং সত্যং
সাংভবী মুদ্রা ভবতি . তন্মুদ্রারূঢজ্ঞানিনিবাসাত্ ভূমিঃ
পবিত্রা ভবতি . তদ্দৃষ্ট্যা সর্বে লোকাঃ পবিত্রা ভবন্তি .
তাদৃশপরমযোগিপূজা যস্য লভ্যতে সোঽপি মুক্তো ভবতি .. ১২..

Commentary I.

যত্যোগিভিঃ ধ্যেযমুক্তং পর্যবসানে তদেব সাংভবী মুদ্রা
ভবতীত্যাহ অন্তরিতি .. মুদ্রা ভবতি ইত্যত্র

অন্তর্লক্ষ্যং বহির্দৃষ্টিঃ নিমেষোন্মেষবর্জিতা .
এষা সা শাম্ভবী মুদ্রা সর্বতন্ত্রেষু গোপিতা ..

ইতি শ্রুতেঃ . তন্মুদ্রারূঢযোগিনং স্তৌতি --তদিতি . পবিত্রা
ভবতি
ইত্যত্র স্বপাদন্যাসমাত্রেণ পাবযন্ বসুধাতলং ইতি
স্বরূপদর্শনোক্তেঃ . পবিত্রা ভবন্তি --

স্বেচরা ভূচরাঃ সর্বে ব্রহ্মবিদ্দৃষ্টিগোচরাঃ .
সদ্য এব বিমুচ্যন্তে কোটিজন্মার্জিতৈরঘৈঃ ..

ইতি শ্রুতেঃ .. ১২..

Text

                            অন্তর্লক্ষ্যবিকল্পাঃ

অন্তর্লক্ষ্যজ্বলজ্জ্যোতিঃস্বরূপং ভবতি . পরমগুরূপদেশেন
সহস্রারজ্বলজ্জ্যোতির্বা বুদ্ধিগুহানিহিতচিজ্জ্যোতির্বা
ষোডশান্তস্থতুরীযচৈতন্যং বা অন্তর্লক্ষ্যং ভবতি .
তদ্দর্শনং
সদাচার্যমূলং .. ১৩..

Commentary I.

অন্তর্লক্ষ্যং বিকল্প্য নির্ধারযতি --পরমেতি .. উক্তবিকল্পানাং
একার্থপর্যবসাযিত্বাত্ তদ্দর্শনমূলং কিমিত্যত্র --
তদ্দর্শনমিতি .. ১৩..

Text

                              আচার্যলক্ষণম্

আচার্যো বেদসংপন্নো বিষ্ণুভক্তো বিমত্সরঃ .
যোগজ্ঞো যোগনিষ্ঠশ্চ সদা যোগাত্মকঃ শুচিঃ .. ১৪..

গুরুভক্তিসমাযুক্তঃ পুরুষ্জ্ঞো বিশেষতঃ .
এবং লক্ষণসংপন্নো গুরুরিত্যভিধীযতে .. ১৫..

গুশব্দস্ত্বন্ধকারঃ স্যাত্ রুশব্দস্তন্নিরোধকঃ .
অন্ধকারনিরোধিত্বাত্ গুরুরিত্যভিধীযতে .. ১৬..

গুরুরেব পরং ব্রহ্ম গুরুরেব পরা গতিঃ .
গুরুরেব পরা বিদ্যা গুরুরেব পরাযণং .. ১৭..

গুরুরেব পরা কাষ্ঠা গুরুরেব পরং ধনং .
যস্মাত্তদুপদেষ্টাঽসৌ তস্মাদ্গুরুতরো গুরুরিতি .. ১৮..

Commentary I.

আচার্যলক্ষণমুক্ত্বা গুরুশব্দার্থমাহ --গুশব্দস্ত্বিতি .. ১৪-১৮..

Commentary II.

পরমাত্মদর্শনাঙ্গভূতপ্রত্যগাত্মদর্শনস্য সর্বথা
অনুপেক্ষণীযত্বোদ্ধোষঃ

নন্বিহ তাদৃশপরমযোগিপূজা যস্য লভ্যতে সোঽপি মুক্তো
ভবতীতি
এতাদৃশানি বাক্যানি অর্থবাদাঃ এবস্যুঃ . কুতঃ
সহস্রারজ্বলজ্জ্যোতির্বা --
ইত্যাদিবাক্যোক্তদেহপরিচ্ছিন্নজ্যোতির্মাত্রে
পর্যবসন্নাযাঃ অস্যাঃ উপনিষদ আদ্যন্তপর্যালোচনেঽপি
অপরিচ্ছিন্নব্রহ্মাত্মৈক্যযোগস্য ক্বচিদপি অনুক্তত্বাত্ . ইতি চেত্ --
অত্রোচ্যতে .
সত্যমেবৈতত্ . ত্বংপদলক্ষ্যার্থসিদ্ধ্যা
অহংপদলক্ষ্যার্থস্যাপি
সিদ্ধিত্বেন কৈমুতিকন্যাযাত্ ব্রহ্মপদার্থসিদ্ধেঃ কথং
ত্বমহংপদার্থযোঃ ভেদঃ নাযং দোষঃ . ত্বং পদস্য
খণ্ডপ্রত্যগাত্মার্থকত্বাত্ . অহংপদস্য
তত্ত্বমসিবাক্যার্থজ্ঞানোদযানন্তরং
অখণ্ডব্রহ্মযোগাভ্যাসার্থং
গ্রাহ্যত্বেন অখণ্ডপ্রত্যগাত্মার্থকত্বাচ্চ ত্বমহংপদযোঃ
ভেদস্য
বিস্পষ্টত্বাত্ . তস্মাদত্র উক্তযোগিনঃ সদ্যোমুক্ত্যভাবেন
ঔপচরিকপরমত্ত্বেন চ প্রকৃতবাক্যানি অর্থবাদা এব . তথাপি
স্বদেহান্তর্বর্তিজ্যোতিদর্শনং বিনা তত্ত্বমসি ইতি
উপদিশতামহং
ব্রহ্মাস্মীতি বাঙ্মাত্রেণ প্রলপতাং চ ভ্রান্ততমানাং
কল্পকোটিষ্বপি সংসারবন্ধান্মোক্ষাসম্ভবাত্
মোক্ষপ্রথমসাধনত্বাচ্চাস্য দর্শনস্য উপেক্ষা ন কদাপি
কার্যা ইতি
স্থিতং .. ১২-১৮..

Text

                            গ্রন্থাভ্যাসফলম্

যঃ সকৃদুচ্চারযতি তস্য সংসারমোচনং ভবতি .
সর্বজন্মকৃতং পাপং তত্ক্ষণাদেব নশ্যতি . সর্বান্
কামানবাপ্নোতি .
সর্বপুরুষার্থসিদ্ধির্ভবতি . য এবং বেদেত্যুপনিষত্ .. ১৯..

Commentary I.

গ্রন্থতদর্থপঠনানুসন্ধানফলমহা --য ইতি ..
কামাকামধিযাং
পঠনফলং সর্বকামাপ্তিঃ পরমপুরুষার্থাপ্তিশ্চ .
ইত্যুপনিষচ্ছব্দঃ অদ্বযতারকোপনিষত্সমাপ্ত্যর্থঃ .. ১৯..

শ্রীবাসুদেবেন্দ্রশিষ্যোপনিষদ্ব্রহ্মযোগিনা .
অদ্বযোপনিষদ্ব্যাখ্যা লিখিতেশ্বরগোচরা .
অদ্বযোপনিষদ্ব্যাখ্যাগ্রন্থোঽশীতিরিতীরিতঃ ..

          ৐ পূর্ণমদঃ পূর্ণমিদং পূর্ণাত্ পূর্ণমুদচ্যতে .
            পূর্ণস্য পূর্ণমাদায পূর্ণমেবাবশিষ্যতে ..
                      ৐ শান্তিঃ শান্তিঃ শান্তিঃ .

ইতি শ্রীমদীশাদ্যষ্টোত্তরশতোপনিষচ্ছাস্ত্রবিবরণে
ত্রিপঞ্চাশত্সঙ্খ্যাপূরকং অদ্বযতারকোপনিষদ্বিবরণণ্
সংপূর্ণং .
ইতি শ্রীমত্সুন্দরেশ্বরতাতাচার্যশিষ্যাপ্পযশিবাচার্যকৃতিষু
অদ্বযতারকোপনিষদ্ভাষ্যং সমাপ্তং .. ৐ ..

৐ শ্রীমদ্বিশ্বাধিষ্ঠনপরমহংসসদ্গুরুরামচন্দ্রার্পণমস্তু ..


 Send corrections to Sorin Suciu aka SeSe at sorins@hotmail.com.

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com