.. ঐতরেয উপনিষত্ ..
বাঙ্ মে মনসি প্রতিষ্ঠিতা মনো মে বাচি প্রতিষ্ঠিতমাবিরাবীর্ম এধি ..
বেদস্য ম আণীস্থঃ শ্রুতং মে মা প্রহাসীরনেনাধীতেনাহোরাত্রান্ সংদধাম্যৃতং বদিষ্যামি সত্যং বদিষ্যামি .. তন্মামবতু তদ্বক্তারমবত্ববতু মামবতু বক্তারমবতু বক্তারম্ .. 

.. ৐ শান্তিঃ শান্তিঃ শান্তিঃ..



.. অথ ঐতরেযোপনিষদি প্রথমাধ্যাযে প্রথমঃ খণ্ডঃ ..

৐ আত্মা বা ইদমেক এবাগ্র আসীন্নান্যত্কিংচন মিষত্ . স ঈক্ষত লোকান্নু সৃজা ইতি .. ১..

স ইমাঁ ল্লোকানসৃজত . অম্ভো মরীচীর্মাপোঽদোঽম্ভঃ পরেণ দিবং দ্যৌঃ প্রতিষ্ঠাঽন্তরিক্ষং মরীচযঃ ..
পৃথিবী মরো যা অধস্তাত্ত আপঃ .. ২..

স ঈক্ষতেমে নু লোকা লোকপালান্নু সৃজা ইতি .. সোঽদ্ভ্য এব পুরুষং সমুদ্ধৃত্যামূর্ছযত্ .. ৩..

তমভ্যতপত্তস্যাভিতপ্তস্য মুখং নিরভিদ্যত যথাঽণ্ডং মুখাদ্বাগ্বাচোঽগ্নির্নাসিকে নিরভিদ্যেতং নাসিকাভ্যাং প্রাণঃ .. প্রাণাদ্বাযুরক্ষিণী নিরভিদ্যেতমক্ষীভ্যাং চক্ষুশ্চক্ষুষ আদিত্যঃ কর্ণৌ নিরভিদ্যেতাং কর্ণাভ্যাং শ্রোত্রং শ্রোত্রদ্দিশস্ত্বঙ্নিরভিদ্যত ত্বচো লোমানি লোমভ্য ওষধিবনস্পতযো 
হৃদযং নিরভিদ্যত হৃদযান্মনো মনসশ্চন্দ্রমা নাভির্নিরভিদ্যত নাভ্যা অপানোঽপানান্মৃত্যুঃ
শিশ্নং নিরভিদ্যত শিশ্নাদ্রেতো রেতস আপঃ .. ৪..

.. ইত্যৈতরেযোপনিষদি প্রথমাধ্যাযে প্রথমঃ খণ্ডঃ ..



.. অথ ঐতরেযোপনিষদি প্রথমাধ্যাযে দ্বিতীযঃ খণ্ডঃ ..

তা এতা দেবতাঃ সৃষ্টা অস্মিন্মহত্যর্ণবে প্রাপতন্ . তমশনাপিপাসাভ্যামন্ববার্জত্ . তা
এনমব্রুবন্নাযতনং নঃ প্রজানীহি যস্মিন্প্রতিষ্ঠিতা অন্নমদামেতি .. ১..

তাভ্যো গামানযত্তা অব্রুবন্ন বৈ নোঽযমলমিতি .
তাভ্যোঽশ্বমানযত্তা অব্রুবন্ন বৈ নোঽযমলমিতি .. ২..

তাভ্যঃ পুরুষমানযত্তা অব্রুবন্ সুকৃতং বতেতি পুরুষো বাব সুকৃতম্ . 
তা অব্রবীদ্যথাযতনং প্রবিশতেতি .. ৩..

অগ্নির্বাগ্ভূত্বা মুখং প্রাবিশদ্বাযুঃ প্রাণো ভূত্বা নাসিকে প্রাবিশদাদিত্যশ্চক্ষুর্ভূত্বাঽক্ষিণী প্রাবিশাদ্দিশঃ শ্রোত্রং ভূত্বা কর্ণৌ প্রাবিশন্নোষধিবনস্পতযো লোমানি ভূত্বা ত্বচংপ্রাবিশংশ্চন্দ্রমা মনো ভূত্বা হৃদযং প্রাবিশন্মৃত্যুরপানো ভূত্বা নাভিং প্রাবিশদাপো রেতো ভূত্বা শিশ্নং প্রাবিশন্ .. ৪..

তমশনাযাপিপাসে অব্রূতামাবাভ্যামভিপ্রজানীহীতি তে অব্রবীদেতাস্বেব বাং দেবতাস্বাভজাম্যেতাসু ভাগিন্ন্যৌ করোমীতি . তস্মাদ্যস্যৈ কস্যৈ চ দেবতাযৈ হবিগৃর্হ্যতে ভাগিন্যাবেবাস্যামশনাযাপিপাসে
ভবতঃ .. ৫..

.. ইত্যৈতরেযোপনিষদি প্রথমাধ্যাযে দ্বিতীযঃ খণ্ডঃ ..



.. অথ ঐতরেযোপনিষদি প্রথমাধ্যাযে তৃতীযঃ খণ্ডঃ ..

স ঈক্ষতেমে নু লোকাশ্চ লোকপালাশ্চান্নমেভ্যঃ সৃজা ইতি .. ১..

সোঽপোঽভ্যতপত্তাভ্যোঽভিতপ্তাভ্যো মূর্তিরজাযত . 
যা বৈ সা মূর্তিরজাযতান্নং বৈ তত্ .. ২..

তদেনত্সৃষ্টং পরাঙ্ত্যজিঘাংসত্তদ্বাচাঽজিঘৃক্ষত্ তন্নাশক্নোদ্বাচা গ্রহীতুম্ .
স যদ্ধৈনদ্বাচাঽগ্রহৈষ্যদভিব্যাহৃত্য হৈবান্নমত্রপ্স্যত্ .. ৩..

তত্প্রাণেনাজিঘৃক্ষত্ তন্নাশক্নোত্প্রাণেন গ্রহীতুং স যদ্ধৈনত্প্রাণেনাগ্রহৈষ্যদভিপ্রাণ্য
হৈবান্নমত্রপ্স্যত্ .. ৪..

তচ্চক্ষুষাঽজিঘৃক্ষত্ তন্নাশক্নোচ্চক্ষুষা গ্রহীতু/ন্ স যদ্ধৈনচ্চক্ষুষাঽগ্রহৈষ্যদ্দৃষ্ট্বা হৈবানমত্রপ্স্যত্ .. ৫..

তচ্ছ্রোত্রেণাজিঘৃক্ষত্ তন্নাশক্নোচ্ছ্রোত্রেণ গ্রহীতুং স যদ্ধৈনচ্ছ্রোতেণাগ্রহৈষ্যচ্ছ্রুত্বা হৈবান্নমত্রপ্স্যত্ .. ৬..

তত্ত্বচাঽজিঘৃক্ষত্ তন্নাশক্নোত্ত্বচা গ্রহীতুং স যদ্ধৈনত্ত্বচাঽগ্রহৈষ্যত্ স্পৃষ্ট্বা হৈবান্নমত্রপ্স্যত্ .. ৭..

তন্মনসাঽজিঘৃক্ষত্ তন্নাশক্নোন্মনসা গ্রহীতুং স যদ্ধৈনন্মনসাঽগ্রহৈষ্যদ্ধ্যাত্বা হৈবান্নমত্রপ্স্যত্ .. ৮..

তচ্ছিশ্নেনাজিঘৃক্ষত্ তন্নাশক্নোচ্ছিশ্নেন গ্রহীতুং স যদ্ধৈনচ্ছিশ্নেনাগ্রহৈষ্যদ্বিত্সৃজ্য হৈবানমত্রপ্স্যত্ .. ৯..

তদপানেনাজিঘৃক্ষত্ তদাবযত্ সৈষোঽন্নস্য গ্রহো যদ্বাযুরনাযুবার্ এষ যদ্বাযুঃ .. ১০..

স ঈক্ষত কথং ন্বিদং মদৃতে স্যাদিতি স ঈক্ষত কতরেণ প্রপদ্যা ইতি . 
স ঈক্ষত যদি বাচাঽভিব্যাহৃতং যদি প্রাণেনাভিপ্রাণিতং যদি চক্ষুষা দৃষ্টং যদি শ্রোত্রেণ শ্রুতং
যদি ত্বচা স্পৃষ্টং যদি মনসা ধ্যাতং যদ্যপানেনাভ্যপানিতং যদি শিশ্নেন বিসৃষ্টমথ
কোঽহমিতি .. ১১..

স এতমেব সীমানং বিদর্যৈতযা দ্বারা প্রাপদ্যত . সৈষা বিদৃতির্নাম দ্বাস্তদেতন্নাঽন্দনম্ .
তস্য ত্রয আবসথাস্ত্রযঃ স্বপ্না অযমাবসথোঽযমাবসথোঽযমাবসথ ইতি .. ১২..

স জাতো ভূতান্যভিব্যৈখ্যত্ কিমিহান্যং বাবদিষদিতি .স এতমেব পুরুষং ব্রহ্ম ততমমপশ্যত্ .
ইদমদর্শনমিতী ৩ .. ১৩..

তস্মাদিদন্দ্রো নামেদন্দ্রো হ বৈ নাম . তমিদন্দ্রং সন্তমিংদ্র ইত্যাচক্ষতে পরোক্ষেণ .
পরোক্ষপ্রিযা ইব হি দেবাঃ পরোক্ষপ্রিযা ইব হি দেবাঃ .. ১৪..

.. ইত্যৈতরেযোপনিষদি প্রথমাধ্যাযে তৃতীযঃ খণ্ডঃ ..



.. অথ ঐতরোপনিষদি দ্বিতীযোধ্যাযঃ ..

৐ পুরুষে হ বা অযমাদিতো গর্ভো ভবতি যদেতদ্রেতঃ .তদেতত্সর্বেভ্যোঽঙ্গেভ্যস্তেজঃ সংভূতমাত্মন্যেবঽঽত্মানং বিভর্তি তদ্যদা স্ত্রিযাং সিঞ্চত্যথৈনজ্জনযতি তদস্য প্রথমং জন্ম .. ১..

তত্স্ত্রিযা আত্মভূযং গচ্ছতি যথা স্বমঙ্গং তথা . তস্মাদেনাং ন হিনস্তি .
সাঽস্যৈতমাত্মানমত্র গতং ভাবযতি .. ২..

সা ভাবযিত্রী ভাবযিতব্যা ভবতি . তং স্ত্রী গর্ভ বিভর্তি . সোঽগ্র এব কুমারং জন্মনোঽগ্রেঽধিভাবযতি .
স যত্কুমারং জন্মনোঽগ্রেঽধিভাবযত্যাত্মানমেব তদ্ভাবযত্যেষং লোকানাং সন্তত্যা .
এবং সন্ততা হীমে লোকাস্তদস্য দ্বিতীযং জন্ম .. ৩..

সোঽস্যাযমাত্মা পুণ্যেভ্যঃ কর্মভ্যঃ প্রতিধীযতে . অথাস্যাযামিতর আত্মা কৃতকৃত্যো বযোগতঃ প্রৈতি .
স ইতঃ প্রযন্নেব পুনর্জাযতে তদস্য তৃতীযং জন্ম .. ৪..

তদুক্তমৃষিণা গর্ভে নু সন্নন্বেষামবেদমহং দেবানাং জনিমানি বিশ্বা শতং মা পুর আযসীররক্ষন্নধঃ শ্যেনো জবসা নিরদীযমিতি . গর্ভ এবৈতচ্ছযানো বামদেব এবমুবাচ .. ৫..

স এবং বিদ্বানস্মাচ্ছরীরভেদাদূর্ধ্ব উত্ক্রম্যামুষ্মিন্ স্বর্গে লোকে সর্বান্ কামানাপ্ত্বাঽমৃতঃ সমভবত্ সমভবত্ .. ৬..

.. ইত্যৈতরোপনিষদি দ্বিতীযোধ্যাযঃ ..



.. অথ ঐতরোপনিষদি তৃতীযোধ্যাযঃ ..

৐ কোঽযমাত্মেতি বযমুপাস্মহে কতরঃ স আত্মা . যেন বা পশ্যতি যেন বা শৃণোতি যেন বা গংধানাজিঘ্রতি যেন বা বাচং ব্যাকরোতি যেন বা স্বাদু চাস্বাদু চ বিজানাতি .. ১..

যদেতদ্ধৃদযং মনশ্চৈতত্ . সংজ্ঞানমাজ্ঞানং বিজ্ঞানং প্রজ্ঞানং মেধা
দৃষ্টিধৃর্তিমতির্মনীষা জূতিঃ স্মৃতিঃ সংকল্পঃ ক্রতুরসুঃ কামো বশ ইতি .
সর্বাণ্যেবৈতানি প্রজ্ঞানস্য নামধেযানি ভবংতি .. ২..

এষ ব্রহ্মৈষ ইন্দ্র এষ প্রজাপতিরেতে সর্বে দেবা ইমানি চ পঞ্চমহাভূতানি পৃথিবী বাযুরাকাশ আপো 
জ্যোতীংষীত্যেতানীমানি চ ক্ষুদ্রমিশ্রাণীব .
বীজানীতরাণি চেতরাণি চাণ্ডজানি চ জারুজানি চ স্বেদজানি চোদ্ভিজ্জানি চাশ্বা গাবঃ পুরুষা হস্তিনো যত্কিঞ্চেদং প্রাণি জঙ্গমং চ পতত্রি চ যচ্চ স্থাবরং সর্বং তত্প্রজ্ঞানেত্রং প্রজ্ঞানে প্রতিষ্ঠিতং প্রজ্ঞানেত্রো লোকঃ প্রজ্ঞা প্রতিষ্ঠা প্রজ্ঞানং ব্রহ্ম .. ৩..

স এতেন প্রাজ্ঞেনাঽঽত্মনাঽস্মাল্লোকাদুত্ক্রম্যামুষ্মিন্স্বর্গে লোকে সর্বান্ কামানাপ্ত্বাঽমৃতঃ সমভবত্ সমভবত্ .. ৪..

.. ইত্যৈতরোপনিষদি তৃতীযোধ্যাযঃ ..



৐ বাঙ্ মে মনসি প্রতিষ্ঠিতা মনো মে বাচি প্রতিষ্ঠিতমাবিরাবীর্ম এধি বেদস্য ম আণীস্থঃ শ্রুতং মে মা প্রহাসীরনেনাধীতেনাহোরাত্রান্ সংদধাম্যৃতং বদিষ্যামি সত্যং বদিষ্যামি তন্মামবতু 
তদ্বক্তারমবত্ববতু মামবতু বক্তারমবতু বক্তারম্ ..
                                   
.. ৐ শান্তিঃ শান্তিঃ শান্তিঃ..

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com